منتديات عالم مدريدي > الاقسام العامة > العام رواية بويات ممنوع اقل من 14 سنة اسم العضو حفظ البيانات؟ كلمة المرور التسجيل إحصائيات معلومات الاعضاء التعليمـــات التقويم البحث مشاركات اليوم اجعل كافة الأقسام مقروءة

رواية بويات ممنوع اقل من 14 سنة الــسلام عليكم و رحـــمة الله وبركاته .. اليوم جبت لكم رواايه حدهاا حلوه .. وما تصلح للي أعمارهم أقل من 14 بس أبي تفاعل .. ولما أشوف فيه تفااعل .. بنزل الأجزااء الباقية طبعا باللهجة البحرينية <~ المحرقية بالأصح ^^ يلا .. نبتدي .. الفصل الأول ((الشلة)) وقفت

صفحة 1 من 20 1 2 3 4 5 6 7 8 11 > الأخيرة »

08-25-2009, 08:48 AM	#1
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	رواية بويات ممنوع اقل من 14 سنة permalink رواية بويات ممنوع اقل من 14 سنة الــسلام عليكم و رحـــمة الله وبركاته .. اليوم جبت لكم رواايه حدهاا حلوه .. وما تصلح للي أعمارهم أقل من 14 بس أبي تفاعل .. ولما أشوف فيه تفااعل .. بنزل الأجزااء الباقية طبعا باللهجة البحرينية <~ المحرقية بالأصح ^^ يلا .. نبتدي .. الفصل الأول ((الشلة)) وقفت جدام المنظرة تظبط اللوك... عدلت الكاب...الساعة....رشتين جاكوار...كل شي تمام... الجينز لو ويست عليه حزام جلد عريض... مع تي شيرت أخضر... حطت البوك في جيبها الي ورا ... خذت تلفونها N93 و طلعت من الغرفة... نزلت على الدرج...((هوب – هوب – هوب - )) كانت تنافس إخوانها فيصل و خالد في الدفاشة حتى في نزلة الدرج...اسمها دلال .. بس دايما كانت تحب انه ينادونها باسم طلال... مثل ما توقعتوا...كانت بوية... كان السايق ينتظرها برع...في لاند كروزر سوده... فتحت الباب و ركبت يمه...اي لا تستغربون مهما البنات الي يركبون ورا صح؟؟ ما كان في داعي يسالها السايق وين بتروح...لانه كان عارف انها بتروح الستي سنتر...اهيه و ربعها كانو كل ويك اند يتلاقون هناك... وصلها السايق...نزلت...دخلت المجمع... ركبت الدرج الكهربائي.... ((طير الحمامي .. هيج غرامي.. هايم.......)) رن التلفون...يا ترى رنة منو؟؟؟...((ألو .. هلا حياتي..لا أكاني وصلت...ثواني بس..)) وصلت للكوفي شوب الي متواعدين فيه... حنين : طلول ساعة ننطرك!!! ورد: طولتي عاد!! وله : يه شفيكم كلتوها..حياج حبي قعدي!!!)<<<<<حبها؟!؟!؟!؟!؟ ويييييييع!!! ادري الموضوع مقرف....و في اشياء مقرفة أكثر!!!! سوري اذا لوعت جبدكم خخخخ بس ترا هذا الواقع!!!) دلال: مشكورة الغلا..الحمد لله و الشكر شفيكم كلتوني؟؟ و انت حمود و يا ويهك ساعة؟؟؟ انت كله تحلطم!!!مو جذي فهد!!! فجر(فهد): خلاص المهم انك ييت طلول... ها شتشربون؟؟ دلال: لحظة.. لحظة.. وين ريم؟؟ فجر: انسيها .. زعلانة!! دلال: افا فهود شله مزعلها بعد..حشا ما مداك تراظيها الأسبوع الي فات!!! يبه عاد مشي السالفة!! فجر: شامشي فيها...ذبحتني!! حشا تغير علي من الهوا الي اتنفسه!!!<<<<<< (تغير عليها؟!؟!؟! وييييييييع!!!) وله : الغيرة دليل المحبة!! فجر: اي عاد بس مو جذي!!! بليييز خلاص صكوا على السالفة!!! !!!<<<<<< (خل يحلفون!!!) دلال: على راحتك!! ها شتشربون؟ ورد: انا ابي كبتشينو! وله: انا قهوة بدون سكر...حق الرجيم! دلال: أي رجيم؟؟ إذا سويتي رجيم بعد بتختفين الحب!! وله: ها تطنزين؟! دلال: لا حشا..بس انا خايفة عليج!!! وله: عبالي!! دلالعفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]ههههه حنين: انا بطلب اسبرسو..و انت فهد شتامر عليه؟؟ فجر: نفسك!! حنين: يلا أنا الي بطلب لكم!! دلال: وايد مصدق عمرك!! كانه الي بتسوي أكثر من انك تنادي الهندي و تقوله الاوردر..مسوي روحك جنتلمان؟؟!! حنين: مالت عليك زين.. و خلك مثقف شوي...ما يسمونه هندي!!! دلال: انته المثقف حمود؟؟!! فجر: اوهو سندرتونه انتو!!! دلال: لا كل شي ولا فهود يعصب...بالعدال يبه هدي أعصابك!!! حنين: شباب شرايكم نروح سينما؟؟ ورد: ايييييييه في فلم يديد توه نازل...كل البنات يتكلمون عنه..خل نجوفه!!! وله: اي امبله! فجر: لا انا كلش مو خلق سينما شباب..خلوها مرة ثانية!! وله: خاطري أجوف الفلم!! دلال: افا معقولة الحب خاطرهم في شي و ما يحصلونه؟؟ باجر نيي انا و انتي و نجوف الفلم.. ؟؟ وله: ايه عليج! فجر: وين بتعشون شباب بموت من اليوع انا؟ حنين: سمله عليك فهود..أمري انتي بس وين تبين؟؟ فجر: في مطعم ايطالي يديد توه فاتح..خل نجربه!! وله: مالت عليكم لاني اسوي رجيم!!! دلال: عشوة وحدة ما بتخرب الرجيم!!! وله: ما ابي!! دلال: و اذا قلتلج عشان خاطري!؟! وله: وااي منج...تعرفيني ما اقدر على هذي الكلمة!!! خلاص ايطالي ... ايطالي!!! ************************************************** ****************************** ******** ودام الشلة يتعشون... خلوني أوصف لكم أشكالهم شويي...دلال...17 سنة و نص ...شعرها اسود قصير..دايما سبايكي.....بيضة شوي..عيونها سودة وواسعة..و عليها نظرات..تحطيم..حتى ربعها يسمونها..((الاخ بو نظرات )) أو ((بو نظرات خطيرة)) تحب جميع أنواع الرياضة و تلعب سلة.. سبورتيه و قوية... فجر 18 سنة ... سمرة شوي.... شعرها بني غامج.. وايد قصير...... عيونها بنية على عسلية ... صايرة نوع الناعسة شوي...نظراتها خبيثة و فوكسي...و هي كابتن فريق السلة...تعشق الرياضة و جسمها رياضي...وعندها عضلات..تخرع!!! حنين... 17 سنة وجم شهر .. أقصر من فجر و دلال... شعرها بني فاتح .. قصير و ناعم.. ((يشبه شعر شجون في عديل الروح)) خخخ...عيونها بنية...حنين بعد تحب الرياضة... و تلعب في فريق السلة...وله 16 سنة...بيضة و شعرها اسود..طويل لي نص ظهرها...عيونها سود...طويلة ..أقصر من دلال بشوي... رقة ودلع...بمعنى آخر..(بنوتة!)) و آخر شي... ورد...17 سنة... ورد شعرها لي جتفها..بني فاتح ((ترا صابغته مو طبيعي..خخخ)) سمرة شوي...حنطاوية يعني... عيونها بنية غامجة... طول حنين... وهذي الشلة ربع من زمان..حنين وورد و دلال وفجر من الابتدائية و تعرفوا على وله بالمتوسطة... وراحو ويا بعض للثانوية..... ************************************************** ****************************** ******** تعشو شلتنا...خذولهم فرتين في المجمع...و الساعة 11 و نص تقريبا رجعو بيوتهم...دخلت دلال دارها..رمت روحها على السرير تفكر في الدنيا..في الي قاعد يصير..((شهالأفكار السودة!؟!)) قامت بسرعة بدلت ثيابها..لبست بجامه..يا زعم .. بس في الواقع كانت عبارة عن توب حفرة و بوكسر!!!!!اي لا تستغربون!!! قعدت على الكمبيوتر شوي(( افا الحب ليحين أوي!! صج ملل .. خل أجوف المنتدى شعندهم!!)) و الساعة 1 و نص تقريبا حست بصداع في راسها..((خل أقوم أنام أحسن لي!!)) انبطحت على سريرها و تلحفت..توها بتسكر عينها إلا مرة وحدة..... (طق- طق- طق) دلال: منو؟ ؟؟ : انا خالد.. دلال: حياك اخوي..دش! خالد: ليحين قاعدة؟ دلال: توني كنت بانام! خالد: دلول أمي سافرت..راحت دبي! دلال: هه...عادي و شنو اليديد في الموضوع؟!؟ خالد: الصراحة دلول انا وايد متضايق!! دلال: من شنو؟ خالد: يعني دلول عاجبج الوضع في بيتنا؟؟ حشا مو بيت هذا فندق!!! دلال: يا معود..خلود صارلك عشرين سنة عايش في البيت ليحين ما تعودت؟؟؟ خالد: اي .. بس..خلاص ولا شي.. تصبحين على خير.. دلال: وانت من أهله.. و خلود يا اخوي لا تعور قلبك!! يبه تأقلم و عيش حياتك.. خالد: ان شاء الله... [SIZE=6]خالد طلع من غرفة دلال...دلال نامت... و دام اهيه نايمة خلوني أكلمكم عنها شوي...عنها و عن عايلتها.. دلال أصغر وحدة في أخوانها..قبلها صبيين..خالد و فيصل..فيصل أكبر واحد...عمره اربع و عشرين سنة...يدرس كمبيوتر ساينس.. آخر سنة له و ان شاء الله يتخرج...انسان متهور و جرئ..عنيد ولا أحد يقول له لاء...بس ترا اهو قلبه ابيض و طيب...فيصل طويل..و جسمه رياضي...شعره أسود..غزير..و الزلف طويل...شوي ابيض..عيونه سوده.. عنده قفل على شنب خفيف... وايد وسيم...و الشبه بينه و بين دلال واضح... خالد..الوسطي...واحد و عشرين سنة...يدرس بزنس..يعشق الموسيقى و الشعر...يألف أغاني و يلحنها على الجيتار...و صوته بعد وايد حلو...انسان حساس و رومانسي... و أكثر واحد متأثر من الوضع في بيتهم...اهو بعد شعره اسود و غزير و عيونه سودة... عنده قفل بدون شنب... أقصر من فيصل.. و بعد جسمه رياضي... في ملامح الويه...ما في وايد شبه بينه و بين دلال و فيصل... الاب..ناصر..رجل أعمال كبير...حياته كلها اجتماعات و بزنس ... و كله مسافر...ولا يدري شي عن عياله.. بس يترس لهم حساباتهم في البنك فلوس... و لا يدري شلون يصرفونها.... و الام...حياة...كله هايته في العروس...و السفرات الي ما تخلص...لبنان حق عمليات التجميل..دبي معارض المجوهرات .. فرنسا و لندن ثياب صيف ما ادري ثياب شتا... و جان عندها عيال ما تدري... و كل الي فالحة فيه تترس لها شنطتين ثلاث هدايا حق العيال..كانه هذا هو الي محتاجينه...و الديرة ما فيها عطورات و لا ثياب!!! المصدر: منتديات عالم مدريدي v,hdm f,dhj llk,u hrg lk 14 skm Share Share this post on Digg Del.icio.us Technorati Twitter

08-25-2009, 08:50 AM	#2
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink بس ماراح انزل بقية الرواية الا لما القى تفاعل Share Share this post on Digg Del.icio.us Technorati Twitter

08-25-2009, 09:11 AM	#3
ScoRpion 007 Director     تاريخ التسجيل: Dec 2006 الدولة: Ba7rain المشاركات: 8,143	permalink قريت القصـه وندمجت معاها وننتظر العدد القادم .. ورد: انا ابي كبتشينو! وله: انا قهوة بدون سكر...حق الرجيم! آنــه .. مآيقولون آنآ ومشـكورة ! Share Share this post on Digg Del.icio.us Technorati Twitter

08-25-2009, 09:22 AM	#4
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink اسمهم فيهم بويات ههههه تسلم اخويا وربي يعطيك العافية بس ابي تفاعل اكثر Share Share this post on Digg Del.icio.us Technorati Twitter

08-26-2009, 06:49 PM	#5
Mr.Carlos     تاريخ التسجيل: Dec 2006 الدولة: China, Spain, Bahrain اللاعب المفضل المشاركات: 51,529	permalink لووووووووول الله يعطيهم نعمة العقل اندمجت مع القصة جيبي باقي الأجزاء خلينا نضحك شوي ثــانكس خييووو Share Share this post on Digg Del.icio.us Technorati Twitter __________________ عالم مدريدي على الفيسبوك عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عالم مدريدي على التويتر عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عالم مدريدي على اليوتيوب عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عالم مدريدي على البلاك بيري pin: 28A8E0D8

08-26-2009, 10:23 PM	#6
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink ان شاء الله طال عمرك انزل عشانك خوي احنا كريمين وانت تستاهل يسلمووو ع مرورك ونورت الصفحه Share Share this post on Digg Del.icio.us Technorati Twitter

08-27-2009, 04:55 AM	#7
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink الفصل الثاني [[ كل شي يتلخبط ]] في ذي الفصل.. راح يصير شي ممكن يغير حياة بعض الناسللأبد!!! خلونا نجوف.. الساعة 12 الظهر..قامت دلال من النوم على صوتتلفونها.. دلال :ولييييه ! مسج هالحزة؟ من ذي المتفرغ؟!)) فتحت دلال المسج.. دلال :أفا! الحب! خخخ ايه عليج وله! شنو؟ صباح الخير و الورد..يا حبي للأبد..أيه عليج .. فديتجوالله قامت دلال من سريرها ووقفت على الدريشة..شافت أخوها فيصل ينزل منسيارته _همر صفرة!_ بس شكله كان كلش مو طبيعي.. دلال:أمبي هذي فيصل؟؟ من وين يايهالحزة؟؟ و شفيه جذيه شكله مو طبيعي؟ طلعت دلال بسرعة من الحجرة و راحت حق فيصل..تلاقت معاه على الدري... دلال: فيصل! خير إن شاء الله؟ فيصل: ها ؟ شنو ؟ دلال: من وين ياي؟ فيصل: لا .. بس أمس كنت بالشاليه..و تأخر الوقت..فنمت هناك... دلال: ريحة شنو هذي ؟ فيصل: شنو ؟ ما أشم شي؟ دلال: من صجك؟! في ريحة إمبلا!! فيصل: مـ .. ما أدري!! ((و راح بسرعة لغرفته!!)) هني خالد طلع من غرفته.. و شاف دلال واقفة على الدري...و سرحانة شوي... خالد: صباح الخير يا أختي العزيزة!!! دلال: ...... خالد: قلنا صباح الخير!! دلال: خلود فارج..كلش مو خلقك!! خالد: أفا..شله الحلوين زعلانين من صباح الله خير؟؟؟ دلال: خلود ترا ملاقتك تخطت الحدود!! خالد: يه شفيجعصبتي؟!!! بو انا ما أدري شمرظعينج وانتي ياهل..فلفل؟؟؟ دلال: و بعدين معاك أنت؟؟!!!! خالد: بو هذوله من صجهم معصبين؟؟؟ خير دلول شصاير ؟ ترا أنا قمت أحاتي!!! دلال: فيصل يا خالد..فيصل!!! خالد: شفيه تحجي؟؟!! دلال: ما أدري..أمس طلع و توه راجع و شكله مو عاجبني...كلش مو طبيعي!!! خالد: شلون يعني؟؟ دلال: ما أدري خلود..كأنه مريض!!! خالد: شنو؟!؟ يا معودة خل نروح جوفه!!! دلال: أي خلود تكفه!!! دلال و فيصل و خالد...دايما قلوبهم على بعض..يمكن بسبب الظروف الي عايشينها بالبيت..خلتهم يحسون انهم لبعض ... و ما يقدرون يعيشون من دون بعض... يعني أمهم و أبوهم لو يسافرون أسابيع كلش عادي.. بس اذا واحد منهم سافر ... يظلون متلخبطين.. و مو قادرين يعيشون من غيره... يعني بمعنى آخر علاقتهم ببعض..عوضت نوعا ما الحرمان من حنان الام و الاب الي حاسينه.... و راحت دلال مع خالد لغرفة فيصل... طقو الباب و دخلو .. فيصل ما كان في الغرفة.. بس صوته في الحمام..خالد طبعا ما فيه صبر..فطق الباب عليه... فيصل:ها؟!؟!... لحظة..لحظة..دقايق و أطلع!!!يه شفيك؟!؟!؟! و طلع فيصل من الحمام... وحاط فوطة على جتفه... فيصل: شعندكم ..اجتماع مجلس الأمة؟؟؟ دلال: لا فيصل بس مساعة خرعتني...شكلك كان كلش مو طبيعي!! فيصل: دلول ويا ويهج!! واحد سهران للفير و توه قايم..شلون شكله بكون؟!؟ خالد: لا فيصل أنت صارلك فترة متغير..السواد تحت عيونكزايد..و عيونك صايرة كله حمرة!! فيصل(قاطع خالد) : ترا أنتو وايد مكبرين السالفة... دلال: زين منا انحاتيك يالكريه!! فيصل: اوه في أحد مفتكر فيني في هالبيت!! زين..زين!! خالد: من صجك إنت جم أخو عندي أنا!!! فيصل: أيه عليكم..فديتكم والله..انا ما أسوى شي بدونكم!! فيصل هني حط يد على جتف خالد و يد على جتف دلول.. و حب راسها..و قال .. فيصل: أيه عليج أختي..فديتج والله!! دلال تخصبقت و تخرعت و ما عرفت شتسوي...و صادتها رعشة بكل جسمها...و ابتعدت شوي عن فيصل.. فيصل: شفيج يبه؟!؟ دلال: مـ..مـ..ما..ما ..ما فيني شي.!.! خالد: ما فيج شي و تخرعت جذي؟؟؟ دلال: أنا؟. لا . لا.. أ.أنـ..أنا بر..بروح داري..!!!! وطلعت دلال بسرعة من غرفة فيصل..ركظت لغرفتها...صكت الباب و تسندت عليه... دلال : يا ربي شنو ذي الي صار؟؟ ليش هالإحساس الغريب و الرعشة الي في جسمي؟؟؟...فيصل ليش حب راسي؟؟ غريبة أول مرة يسويها؟!!! و في دار فيصل... خالد: فيصل ما لاحظت شي على دلول ؟ فيصل: ههه شفيها جذي تخرعت يوم الي حبيت راسها؟؟ خالد: ما أدري ولله؟؟ فيصل: يمكن تستحي!!!هههههههه!!!! خالد: يمكن... فيصل دام انا نتكلم عن دلال...أبكي أقولك شي مهم يخصها.. فيصل: خير إن شاء الله؟ خالد: فيصل أنت ما تلاحظ شي على تصرفات دلول؟ قصة شعرها..لبسها حركاتها..يبه مشيتها..يعني والله ما أدري شاقولك..جنها صبي مو بنية..جنه معانا أخو ثالث في البيت!! مو جنها بنية كلش!!!! فيصل: خلود ويا ويهك..الحين هاي الموضوع المهم الي تبي تكلمني على شانه؟؟ يبه دلول سبورتيه و تحب الرياضة..عادي يعني...ما اجوف فيها شي...مجرد لوك..ولا تنسى أنها بنت وحيدة ورابية مع صبيان..و ما عندها خوات..أحس الوضع كلش طبيعي!!! خالد: فيصل..بس أنا خايف عليها.. تبي الصراحة..أنا خايف إنها تكون........ تكون شنو ؟؟ خلوونـآ نكمل .. [size=3 Share Share this post on Digg Del.icio.us Technorati Twitter

08-27-2009, 04:57 AM	#8
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink فيصل:جب!! قص لسانك لا تكمل!! خلود بلخك بكف!!! من صجكأنت؟؟ هذي أختك الي قاعد تتكلم عنها!!!! خالد: فيصل الله يهداك..شفيك عصبتجذي...دلال أختي الوحيدة و أخاف عليها.. فيصل(قاطعه): مو أختي أنا بعد؟ خلودخيالك صاير وايد واسع هاليومين..اسمعني..اياني اياك تعيد هالحجي مرةثانية!!فاهم.؟؟؟ خالد: على راحتك..لا تعصب..كيفك يبه!!!! وطلع خالد معصب منعند فيصل...قعد فيصل على السرير فيصل : معقولة ؟؟ لا لا خلود هذا مو صاحي!! رنتلفون فيصل...فيصل جاف الرقم..تخصبق... فيصل: ألو .. *********************************** دلال بغرفتهامنبطحة على السرير...تطالع السقف..إلا((طير الحمام.. هيج غرامي.. هايمهيامي......)) رن تلفونها...رنة وله طبعا... دلال : ألو ..هلا حياتي..لا ما فينيشي...أكيد عند الوعد..بنروح سينما اليوم..أي ساعة؟؟ خلاص الساعة ست أمرج...يلا فيأمان الله... قامت دلال بدلت ثيابها..لبست برمودا جيشي باجي مع توب أسود...وزبيرية سودة..و قعدت على مكتبها..تبي تنسى بعض الأفكار من راسها.. دلال : خل أجوف شنطةالمدرسة...صار لي أسبوع ما فتحتها!!! قعدت دلول تدرس و بعد نص ساعة بالضبط.. دلال :بولاعت جبدي!! صج الدراسة عذاب...شا سوي الحين؟؟ خل أشبك نت أحسن!! و قعدت علىالكمبيوتر..و بعد شوي (( طق..طق...طق )) دلال: منو؟؟ فيصل: انا!! دلال(تخصبقت): هـ..ها؟؟ دش..دش فيصل الباب مفتوح!!! فيصل: دلول وينأمي؟ سيارتها تحت بس اهيه مو بدارها؟؟ دلال: أمي محد..مسافرة..في دبي اللهيسلمك!!! خالد: شنو؟؟ دلال: شفيك يبه؟ شنو الغريب في الوضوع؟؟ فيصل: ايصاجة هذي عوايدها!! ((و طلع و أهو معصب حييييييييل )) دلال: شفيهم خالد و فيصلصايرين وايد حساسين..شفيها يعني لو امي مسافرة..عادي..من يوم ييت هالدنيا و أهيه مسافرة!!!! Share Share this post on Digg Del.icio.us Technorati Twitter

08-27-2009, 04:59 AM	#9
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink ست إلا عشرفي بيت وله..وله قاعدة تجهز روحها عشان طلعتها مع دلال..إلا تدخل أختها رنيم الحجرة رنيم: شهالحلاة.. و شهالزين!!!! على وين ان شاء الله؟ وله { على الدريسر و من غير ما تلتفت عليها }: بطلع!! رنيم: أدري بتطلعين..عيلبدشين؟ وله: رنيم يصير أقولج شي و ما تزعلين؟؟ رنيم(بكل ثقة) : أفا انا أزعل لالا..تحجي يبه كلي آذان صاغية!! وله: الصراحة رنيم ما أدري شاقولج بس ترا أنت أنسانة وايد مليقة و سخيفة و غبيـــ رنيم(قاطعتهاو رمتعليها الكوشن مالت السرير) : مالت عليج زين كل هالمقدمة عشان تقولين هالكلمتين اليي غثون؟؟ أمحق أخت وله: مالت عليج أنتي يالدبة خربتي شعري اوهو لازم أسويه مرة ثانيةيا ربي مليييقة رنيم: هي هي احترمي الأكبر منج وله: حلفي بس.. رنيم رمت روحها على السرير و قعدت تلعب بتلفونها... رنيم: لا من صجي دبو..وين بتروحين؟ وله: بروح سينما مع دلول ارتحتي محقق كونان؟ Share Share this post on Digg Del.icio.us Technorati Twitter

08-27-2009, 05:00 AM	#10
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink [size=5]رنيم قطت تلفونها و رفعت روحها. وقالت رنيم: دلال ما غيرها؟ وله: اي ما غيرها..فديت قلبها أنا رنيم: وله من صجج انتي مقتنعة بالي تسوينه؟ وله : قاعدة تسوي شعرها مو فاضية الاخت رنيم: ردي علي وله: شتبين؟ رنيم: سالتج سؤال. جاوبيني وله: شنو؟ ماسمعتج! رنيم: وله وله: اوهو خير . نعم .آمري. رنيم: اوكي ماسمعتيني بعيد سؤالي. مقتنعة بالي تسوينه؟ وله التفتت على رنيم.. و طالعتهابعيون كلها تحدي وله: طبعا مقتنعةو 100% بعد رنيم انصدمت من طريقةوله... بس كملت كلامها... رنيم: انزين و شنو النهايةلي وين بتوصلون؟؟؟؟ وله : رنيم: ردي لا وله: و بعدين معاج ذبحتيني ان ما يزتي عني بقول حق أمي عنج رنيم: لا وله وله: والله بس شاطرة تنصح الاوادم يبه روحي نصحي روحج قبل رنيم: وله أنا وضعي غير وله: لا والله شلون غير تحبين واح رنيم: واحد مو وحدة مافكرتي شنو بتكون نهاية علاقتكم؟؟ وله : رنيم: ردي لا وله: اوهو ممكن تفارجين ؟الساعة صارت ست وانا ليحين ما برزت و دلول ال حين بتوصل رنيم: على راحتج أمي تدري أنج بتطلعين؟ وله: تدري في شي بعد؟ رنيم: سلامتج وطلعت رنيم من الغرفة مقهورة وله كملت لبسهاوطلعت في السينما بعد ما خلص الفلم وله: وااي أيا على البطل شلون دخل السجن, وضحى بكل شي بس علشان حبيبته!دلول بتضحين يوم منالايام عشاني؟ دلال : وله: هلو دلول وينرحتي؟ دلال: هلا! ما رحت مكان حياتي وله: ما جاوبتيني دلال: على شنو؟ وله: هل ممكن انه تضحين في يوم من الايام عشاني؟ دلال: أفا و هاي بعدسؤال يسألونه وله: دلال: شله ساكته ولوه وله: دلول إنتي احلى شي صار لي في حياتي... و الله لا يفرق امبينا دلال: آميين يلا الحب خل نتعشى وله: أوكي يا ترى هل راح تتحقق أمنية دلال و وله؟[/ Share Share this post on Digg Del.icio.us Technorati Twitter

08-27-2009, 05:02 AM	#11
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink فيالسيارة دلال:وله وله:عيونها! دلال:تسلم لي عيونج غلاي! أقول تروحين معاي البحر؟ وله:شنو؟ الحين؟ دلال:أي خاطريأروح وله:دلول شفيج؟ دلال:انا؟ لا ما فيني شي؟ وله:قصي على غيري من صجي دلول شفيج؟ دلال : ..... وله: هي طلول نحاجيك دلال:هلا! وله:لا و تقول ما فيها شي! اني وي خلاص نروحبحر!شورانا دلال:راجو ودينا البحر راجو:ان شا لا راحو يتمشون و اهمه ماسكين أيادي بعض [size=5] وله:طلول حياتي شفيك؟ دلال:ما فيني شي غلاي وله:شلون ما فيك شي؟ دلال ( تكلم روحها) : آه يا وله لو تدرين شفيني وله:طلول! أحاجيك انا دلال: مسامحة الحب الظاهر سرحت شوي أنا وله: مو شوي واايد يعني ما بتقولي شفيك Share Share this post on Digg Del.icio.us Technorati Twitter

08-27-2009, 05:03 AM	#12
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink دلال مسكت وله منجتفها و حطت عينها بعينهاو قالت لها دلال:وله انتي أغلا انسانة على قلبي و تعرفين شكثر أحبج و أعزج و أغليج لو كان فيني شي تأكدي أنج الوحيدة الي ممكن أفتح لها قلبي فلا تخافين يالغالية وله: أيه عليج فديتج والله رمت روحها بحضن دلال دلال لمتها و حبتها و قالت لها دلال:يلا الحب خلنرجع تأخرنا وأخاف هلج يحاتونج الحين وله:اي كلش اصلا لو في وله في البيت ما يدرون.. ولا بحسون انه انا محد دلال:شوفيالبحر في الليل شحلوة..هادي وغامض مثلج وله:اي غيري السالفة دلال:ههههههه يعني ابي اغير المزاج عقب هالطلعة الفن..شله نعفسه؟ وله:دلال شنو بيكون شعورج و انتي عايشةفي دنيا محد يحبج فيها؟ دلال:افا وله و انا؟ وله:دلول اليوم رنيمو السخيفةاسالتني سؤال و ما عرفت أجاوبه دلال:خير؟ وله:سالتني اذا انا مقتنعة بالي اسويه؟ دلال انصدمت:انزين؟ يعني من صجج ما عرفتي تردين عليها؟ وله:لااااااا من صجج يعني؟ طبعا قلت لها اي.. بس سؤالها الثاني وهقني دلال: شنوسألت؟ وله:شنو بتكون نهاية علاقتنا؟ دلال : وله:ردي دلال.. لوين بنوصل؟؟ دلال: لا تحاتين خير إن شاء الله خير!!! رن تلفون وله... وله:ولييييييييه هذي النزقة رنيموشاقولها ؟ أحسن شي ما بردعليها دلال:لا وله..ردي عليها و قولي لها اكانا راجعين...يلا عشان خاطري وله:انزين.ألو! رنيم:جان ما رديتي؟ وله:تعالي كفخيني رنيم:ما اوصل!! مالت عليج..ههههه .. أقول ولوه..انتي في وين؟ وله: في هالدنيا رنيم(رنيم عصبت): وله ردي علي..انتي في وين؟؟! وله:وجع بطيتي اذني!!! ما لج شغل أنا في وين رنيم:وله انا خايفة عليج وله: انا مو صغيرة عشان تخافين علي رنيم:يا ربي عمرها 16 و مو صغيرةعيل العيايز شيقولون؟ وله:و بعدين معاج الحين انتي متصلة شتبين بالضبط.....تغثيني؟ رنيم:حسبي الله و نعم الوكيل وله:رنيم باااااااي و صكت التلفون دلال:شتبي رنيم؟ وله:شدراني فيها؟ دلال:بس خلاص خل نرجع وله:من صجج؟ دلال:اي خلاص ما نبي مشاكل وله:اوكي Share Share this post on Digg Del.icio.us Technorati Twitter

08-27-2009, 05:05 AM	#13
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink في بيت وله كانت رنيم حايسة... رايحة رادة على الدريشة.. . رنيم : وينهي هذي؟؟ اراويها لما ترجع!! و قعدت على طرف سريرها تبي تدق على وله..إلا وله داشة الغرفة... رنيم:جان ما ييتي..و لا بتي برع بعد...و لا بتي عند دلال أحسن... وله:يا لييت! رنيم: صج انج ما تستحين على ويهج!!! وله: و بعدين معاج انتي..تراج وايد غاثتني!!! شتبين مني؟؟؟ رنيم:وله انا اختج العودة و خايفة عليج!! وله: خايفة عليج .. خايفة عليج..تراني مليت..خايفة علي من شنو؟ رنيم:دلال... وله:شفيها؟ رنيم: يا ربي تقول شفيها!!! من صجج انتي حابة بنية؟!؟ وله: أحبها و أعشقها و أموت فيها.. ولا أتخيل حياتي من غيرها!!! رنيم:من صجج؟؟ لا حول ولا قوة إلا بالله..هذي الي بتذبحني!! ادفع كل عمري و أعرف هالبنية شمسويتلج!!! وله: كفاية اني أحس معاها بالامان..اهيه الوحيد الي تحبني..اهي الوحيدة الي احس معاها اني بنت!! رنيم: وله من صجج؟؟ وله:رنيم خلاص..سكري الموضوع..ما ابي اتكلم فيه مرة ثانية!!!!!!!! بليييز تكفين..خلج بعيد عن حياتي..يبه لا تدخلين فيها!!!!!!! و راحت وله الحمام عشان تبدل...إلا أمها داشة الغرفة... الام:رنيمو..علام صوتج طالع جذي...منو قاعدة تكلمين؟ رنيم:لا يمه..بس كنت أكلم وله! الام:ها وله رجعت؟ رنيم(تكلم روحها) : حسافة يا يمه..ما تدرين وله رجعت ولا لاء..بنتج بتضيع وانت ولا حاسة!! الام:يمه وين وصلتي؟؟!!! قاعدة أكلمج!! رنيم:خير يمه؟ الام: قاعدة اسال عن وله؟! رنيم:تبدل... هني وله طلعت من الحمام..كانت لابسة بجامة وردية.. و حدها كيوووووت!!!! الام: ها يمه..شلون كانت طلعتج؟؟ وله:تمام...بس في ناس كانو بخربونها.... الام ما سمعت آخر كلمات لانه وله قالتها بهمس و هي تطالع رنيم بنص عين... الام:انزين يمه...تصبحون على خير... و طلعت..وله اندعست في فراشها...و قعدت تحوس في تلفونها..و دلال تطرش لها مسجات... لي ما آخر شي نامت...أما المسكينة رنيم..ظلت تطالع وله ... شلون اختها قاعدة تضيع و اهي مو قادرة تسوي شي!!! رنيم ما قدرت تنام... واذن الفير و اهيه للحين قاعدة!!! هه!! والله شي يقهر و يبط الجبد!! انه وصلنا لهالمستوى!! والقهر.. انه صج!! يعني لو قلنا قصة.. و مألفينها.. عادي.. بس الي يبط الجبد.. انه الي يصير في القصة.. قاعد يصير فعلا في الواقع... يا ترى شفيها دلال؟؟ و هل راح تسكت رنيم على الموضوع أكثر من جذي؟؟ الفصل الثالث: ((شصاير؟)) غريبة!! شالسالفة؟؟ و شصاير؟؟ الله يستر!! خلونا نجوف الشلة شراح يسوون... ثاني يوم في المدرسة...طق جرس الفسحة... وله طلعت من صفها بسرعة (ولهانه)... تمشي في الممرات بسرعة... راحت لصف دلال...جافت حنين و ورد...بس دلال ما كانت معاهم... وله:حنون..وين دلال؟ حنين:دلال غايبة اليوم! وله:غايبةّ ... غريبة! أمس أنا وأهي طلعنا ..ما كان فيها شي..مو من عوايدها تغيب جذي بدون ما تخبرنا... خل أدق عليها... ( و طلعت التلفون تبي تتصل ) حنين: لا تحاولين جهازها مغلق.. حاولنا أنا و فجر ندق عليها الصبح...و أحين أنا و ورد.. ما في فايدة!! وله:غريبة..مو من عوايدها بعد تسكر تلفونها...يا ربي قمت أحاتي أنا يات فجر من صفها.. بس صاير شكلها شاذ..-أكثر من ما أهيه شاذة في الواقع- لانها مو مع أحد (بنوتةوخصوصا بعد ما افترقت أهي و ريم...بس فجر مستحيل تظل وحيدة و أهي الي تموت في البنات...كانو البنات يطالعونها و أهي تمشي... مرفعة المريول..و مباعدة ما بين ريولها..و الشعر متروس جل.. و النظارة الي صراحة ما قدر! و كل دفاشة الدنيا فيها...بعضهم كانو يطالعونها باحتقار..و أكثرهم بإعجاب..ميتين يبونها تعطيهم ويه بس كانت توزع ابتسامات..وصلت فجر لعند شلتنا ووقفت معاهم ) فجر:هلا شباب..ها عرفتوا شي عن دلال؟؟ ورد:لا والله! حنين:ليحين مسكرة تلفونها... وله(و هي تكلم الأرض) :أمس دلول كانت كلش مو طبيعية... (تفكر)الكل انصدم... حنين:شلون مو طبيعية يعني؟ ورد:توج تقولين أمس طلعتوا و ما كان فيها شي!! وله(ليحين تكلم الأرض..خخخ): طول الوقت سرحانة..تفكر في شي..بس ما أدري شنو.. حنين(التفت على فجر بس تكلم وله):تفكر في شي..مثل شنو يعني؟؟ وله(ارفعت راسها أخيرا):ما أدري .. بس متأكدة إنها متضايقة...شباب أخاف انا زعلتها بشي و انا مو حاسة... حنين: لا شدعوة وله..اهي تحبج...لا لا مستحيل تزعل منج!! فجر(سرحانة) :غريبة!! تتوقعون شفيها دلال ؟؟! وهل ان غيابها عن المدرسة بسبب رنيم ؟! خلونا نكمل.... Share Share this post on Digg Del.icio.us Technorati Twitter

08-27-2009, 05:07 AM	#14
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink ظلوا الشلةطول الدوام يحاولون يتصلون..يدزون مسجات بس ما في فايدة...التلفون مغلق...وله ميتةمن الوله على دلال..و لا ركزت في أي حصة ( كأنها كانت تركز بالأول) حنين تفكر..يا ترا شنو الي شاغل بال دلال؟؟ و فجر... في راسها فكرة جهنمية..بسكانت تبي تتأكد... ورد... مستغربة من وله..شلون تحاتي جذي...و خايفة إنها زعلت دلال بشي...يا ترى لهدرجة دلال مهمة بالنسبة لوله؟؟ انزين شلون؟ و ليش؟ مو قادرة تستوعب الفكرة... صحيح اهيه و حنين (يا زعم) حبايب..بس اهي ما تسوي في روحهاجذي عشان حنين..شدعوه يعني...حنين أولا و أخيرا بنت مثلها.. و مهما سوت .. بتظل بنت و لا يمكن ورد تتقبل أي نوع من مشاعر الحب من حنين تجاهها ... أو أي فعل غلط ...شكل و بس... مجرد حركة في المدرسة!!! على قولة دلال و فجر... (ورد و هي مومنتبهة حطت يدها على يد حنين بالغلط...كانت سرحانة و مو مستوعبة الي تسويه.. حنين تضايقت شوي..بس ما سوت شي...) واصلت ورد بأفكارها.. بس مهما يكون اهي و حنين ربع من ايام الابتدائية.. و لو شنو يصير بتظل حنين أعز صديقة على قلبها... و لكن صديقة وبس!!!! ورد اقحصت من أفكارها على صوت المعلمة و اهي تكلمها... المعلمة:انزينيا ورد... قومي عيدي الكلام إلي قلته!! ورد:ممم..أ..معلـ..معلمة آسفة..ما..ماكنت معاج.... {و نزلت راسها } المعلمة: طبعا ما بتكونين معاي...(و طالعت يدهاإلي على يد حنين..) دام في أشياء ثانية شاغلة بالج!! ورد المسكينة انحرجت..من كلام المعلمة الي اشكره الكل فهمه...سحبت يدها بسرعة...حنين بعد تضايقت.. حنين :شتبي هذي؟؟ مالت عليها المعلمة ورد بعد.. كان لازم تحط يدها على يدي ؟ في هالحظة بالذات؟و الله بتحيريني معاج يا ورد.. ما ادري تبين ولا لاء؟..حيرتيني معاج والله... حنين قحصت من أفكارها على صوت الجرس...جرس الهدة..قامت بسرعة لمت اغراضها ... و قالت لورد... حنين:لا تزعلين نفسج..ها المعلمة حمارة! ورد:والله بالغلط.. و ما كان قصدي.. حنين:شدعوة ورد..معقولة بتضايق منج؟؟ ورد :يلا خل نروح..عشان ما نتأخر على فجر... اهي الي بتوصلنا اليوم!!! فجر ليحين في أفكارها الجهنمية..الساعة الحين اربع العصر... و فجر متوجهة لبيت دلال...كان لازم تتأكد .. بس من شنو؟ خل نجوف شعندها.... رنت فجر الجرس.. و فتحت لها الشغالة و دخلتها الصالة... و راحت تخبر دلال عن وجود رفيجتها... فجر الحين بالصالة..إلا تجوف فيصل ينزل الدري...يبي يطلع... فيصل:السلام عليكم.. فجر: و عليكم السلام...أنا فجر رفيجة دلال... فيصل(انصدم!):يا هلا أ..أخو..أختي...دلال عندها خبر أنج هني... فجر:أي االشغالة توها راحت تخبرها... [size=5]فيصل:اوكي عيل أخليج أنا عن اذنج و طلع فيصل وهو ينزل عتبات المدخل وقف شوي انصدم بالرنج روفر السودة المريبنة بالكامل و الي واقفه جدامه ، رجع التفت وراه على باب البيت الي طلع منه فيصل :العن قفدها على هالسيارة ... بل .. لو ما قالت إنها رفيجة دلال جان عبالي صبي.. الحمد لله والشكر...معقولة كلام خالد....لالاشدعوة...ههههههه إلا لوك...مسوية روحهاسبورتية..جان اهيه ولا دلول .... هههههه يا زعم جذي بطلات السلة...ولا مايكل جوردان!!!!!ههههههه و راح لسيارته الهمر... و شخطها!بس صج انه يبط الجبد...مو جذي؟؟؟ في البيت رجعت الشغالة لفجر و قالت لها انه دلال تنتظرها بدارها.. و خذتها لها... طق طق طق دلال:فهود دش! فجر:قوة طلول..ها شخبار؟؟..مالتعليك جذي تخلينا نحاتيك اليوم؟ دلال:مسامحة فهود..بس والله كنت مضايقة و ما أبي أكلم أحد فجر:خير دلال في شي؟ دلال:ما أدري يا فجرماأدري!! فجر:شلون يعني ما تدرين..دلول تحجي خرعتيني!! دلال:شاقول؟ فجر: شنو الي مضايقج؟ دلال:ما ادري ما أدري فجر عارفة زين إنه دلال عنيدة.. و كتومة.. و عندها عزة نفس بشكل رهيب..لدرجة أنها كانت تعتقد إذا فضفضت لأحد..بتهين كرامتها...بس فجر بعد كان عندها الأسلوب الي يخلي دلال تقول لها كل شي عن دون الكل... فجر قربت أكثر من دلال و حطت يدها على جتفها..جربت فمها من أذن دلالو همست في إذنها... فجر:شدعوة بو الشباب..بتخش عني طلول؟! دلال:آه يا فجر ما أدري شصادني... فجر:خير إن شاء الله؟ دلال:أمس حسيت بإحساس غريب عمري ما حسيته من قبل.و ياتني أفكار غريبة...عمري ما فكرت فيها... فجر:ليش..خير إن شاء الله شصاير؟ دلال:كنت مع فيصل و خالد...و فيصل حط يده على جتفي.. و مرة وحدة حب راسي فجر(تحاول تخفي تفاجؤها) :انزين{تكلم روحها:مثل ما توقعت} دلال:شنو انزين؟؟ ما ادري يا فجر شصادني...حسيت بإحساس عمري ماحسيته.. و بقشعريرة في كل جسمي... و حاولت أنسي روحي السالفة فطلعت مع وله..و بدل ما أرتاح..تعبت نفسيتي أكثرمن سؤال سألتني إيا وله[ Share Share this post on Digg Del.icio.us Technorati Twitter

08-27-2009, 05:08 AM	#15
عسولة القمر مدريدي أسطورة     تاريخ التسجيل: Jul 2009 الدولة: علَى أرجُوحةِ القدَر..! المشاركات: 39,084	permalink فجر: شنو سألتج دلال:نهاية علاقتنا شنو ،لوين بنوصل؟ فجر:و ليش ماقلتيلها؟ دلال:ما قدرت يا فجر ما قدرت فجر:ليش إنت خايفة ؟ دلال:شنو؟ لا..بس.. فجر: بس شنو..لا يكون بتتراجعين دلال؟ دلال:لا فجر:دلال احنا ما نقدر نتراجع..خلاص..دلول الريايل الكفو ما يتراجعون دلال:انا ما ابي اتراجع بس فجر:بس شنو؟ لا يكون ندمانة دلول؟ دلال:لا مو ندمانة في هذي اللحظة رن تلفون فجر..و كان المتصل حنين... فجر:ألو..هلا هلا حمود..اي انا عندها..شنو؟ احم احم اوكي باي. و بسرعة دزت مسج لحنين ..كان هاي مضمونها: [size=5]}حمود لازم نطلع انا و انت و طلول طلعة شي اليوم لانه شكله الحبل بدا يرخي..كول مي{ فجر:ها دلال نرجع لموضوعنا..تدرين المسكينة وله تحاتيج من الصبح.. و عبالها انها مزعلتج؟ دلال ما مداها ترد على فجر..لانه تلفونها رن.. و كانت حمود حسب الاتفاق... فجر: حمود و بعدين معاك..تراك سندرتني.. صج انه عليك افكار..يالخطير لحظة بسال طلول..طلول شرايك نطلع انا و انت و حمود نقز و نغير جو دلال: لا لا ما لي خلق! فجر:لا يكون ما تبي عشان شي ثاني؟ دلال:شنو؟ لالا! اوكي خلاص..نطلع!! فجر:اي جذي!! اوكي حمود..ألحين نييك! Share Share this post on Digg Del.icio.us Technorati Twitter

صفحة 1 من 20 1 2 3 4 5 6 7 8 11 > الأخيرة »

مواقع النشر (المفضلة)

Digg del.icio.us StumbleUpon Google

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع

مشاهدة صفحة طباعة الموضوع أرسل هذا الموضوع إلى صديق

انواع عرض الموضوع

العرض العادي الانتقال إلى العرض المتطور الانتقال إلى العرض الشجري

تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Trackbacks are معطلة Pingbacks are معطلة Refbacks are معطلة قوانين المنتدى

الساعة الآن 03:34 AM.

-- arabic -- English (US) -- ط¨ظٹط³ط´

- الاتصال بنا - الأرشيف - الأعلى

Powered by vBulletin® Copyright ©2000 - 2013, Jelsoft Enterprises Ltd.
Search Engine Optimization by vBSEO 3.6.0